Teksto

I
 Pag-ibig ang siyang pumukaw
 Sa ating puso at kalul'wa,
 At siyang nagdulot sa ating buhay
 Liwanag sa dilim at pag-asa.

II
 Pag-ibig ang siyang buklod nating
 Di mapapawi kailanpaman;
 Sa puso't diwa tayo'y isa lamang
 Kahit na tayo ay magkawalay.

Koro
 Pagkat ang Dios nati'y Dios ng pag-ibig,
 Magmahalan tayo't magtulungan,
 At kung tayo'y bigo ay huwag limutin
 Na may Dios tayo't may nagmamahal.

III
 Sikaping sa 'ting paghayo,
 Ipamalita sa buong mundo:
 Pag-ibig ng Dios Siyang sumakop sa
 Bawat pusong uhaw sa pagsuyo.