Teksto

I
 Makulay ang buhay na binago ni Cristo,
 Galak at tagumpay ang siyang matatamo;
 Laging may ngiti umaraw man o bumagyo,
 Payapa ang loob kahit saan magtungo.

II
 Ang buhay na sa Panginoo'y nawawalay,
 Yagit ang katulad at walang kabuluhan;
 Ngunit ang ilapit sa kay Cristong paanan,
 Lahat ay naayos at nabagong lubusan.

III
 Ang buhay ay kay dilim walang katiyakan
 Sa taong makasalanan at naliligaw;
 Subalit kapag kay Cristo siya mananangan,
 Pag-asa't kaligtasa'y kanyang makakamtan.

IV
 Si Cristo ang tunay na ligaya ng buhay;
 Pag-ibig Niya'y wagas at walang kapantay;
 Kaya nga't lumapit at Siya'y naghihintay,
 Hayaan Siyang maghari sa iyong buhay.