Teksto

chords: DO SOL7 DO DO7 F  DO SOL7...

Giudèca nostra abandonada,‎
vint'anni de fame e sfrutamento ‎
e adesso s'è rivà el momento ‎
de dirghe basta e de cambià. ‎

‎E scole co le pantegane, ‎
E case sensa gabineto ‎
e quando ti te buti in leto ‎
te sogni sempre de lavorà. ‎

I fioj se ciàpa l'epatite ‎
in meso al pantan de la Giudèca; ‎
Cipriani se magna la bisteca ‎
e da le case ne vòl sfratà. ‎

E chi che lavora se consuma ‎
da Herion e Junghans xo ai cantieri, ‎
la pula te fa i oci neri ‎
se ti te meti a scioperà. ‎

‎E contesse faseva el doposcuola ‎
co 'a cipria e coi cioccolatini ‎
el Pro- Giudèca dei paroni ‎
I giudecchini el ga embrogià. ‎

Studenti, donne, operari, ‎
Gavemo ocupà el doposcuola; ‎
che vegna el prefeto co la pula; ‎
no se movemo, restemo qua! ‎

Giudèca nostra abandonada, ‎
vint'anni de fame e sfrutamento, ‎
e adesso s'è rivà el momento ‎
de dirghe basta e de cambià.‎