Teksto

I
 Ang lahat ng tao ay nagagalak
 Pag dumarating na ang Pasko;
 Tao at gusali, pawang may gayak,
 Maligayang araw nga ito!

Koro
 Sa awitan ay sumama ka,
 Kasayahan ay laganap na;
 Ang Pasko'y kapanganakan ni Jesus,
 Siya na sa atin ay tumubos! 

II
 Ang Pasko ay araw ng pagsasaya,
 Ang hidwaan ay limutin na;
 Paghariin si Cristo sa puso mo,
 Bawat araw ay gawing Pasko.

III
 Dumatal sa lupa ang Anak ng Dios,
 Ang Kanyang pangalan ay Jesus;
 Ang pangako Niya sa bawat tatanggap:
 Sa paghatol ay maliligtas!