Teksto

196 Awit Ng Pasasalamat
(Thanks To God)

I
 Aming Dios, dahil kay Cristo, Ay salamat sa Iyo;
 Araw na inaalala, Pagpupuri ang badya;
 Ang mga taong lumipas, Natigib man ng hirap,
 Dahil sa Iyong kalinga Ay lipos pagpapala.

II
 Sa dalanging tinugon Mo, Dios, salamat sa Iyo;
 Sa madlang kapighatian, Dulot Mo'y kaaliwan.
 Nang dumalaw ang pagsubok, Tinulungan Mong lubos;
 Di malirip, di masukat Ang pag-ibig Mong wagas.

III
 Sa mga dusa't hilahil, Aming Dios, salamat din;
 Pananalig ay tumibay Sa Iyong pagmamahal.
 Ang tahana'y pumayapa Nang sa Iyo magtiwala;
 O salamat sa pag-asang Langit ang hahantungan!

IV
 Dios, salamat sa sambahan At kapatirang banal;
 Sa pastor na nangunguna, At sambahayan niya.
 Bigkisin kaming mainam Ng Iyong pagmamahal;
 Ngalan Mo ay pupurihin Hanggang langit ay datnin!