Teksto

I
 May kagalakan akong naglilingkod
 Kay Jesus na Manunubos;
 Puso ko'y payapa't laging may lugod
 Sa aking paglilingkod.

Koro
 Sa aking paglilingkod
 Ang lahat ihahandog;
 May tuwa't biyayang dulot
 Ang sa Hari'y maglingkod.

II
 Kahit may pagsubok na dumaratal,
 Tiwasay ang kalooban;
 Dahil ang aking pinaglilingkuran
 Ay ang Haring marangal.

III
 Buhay ko't lakas ngayo'y ihahandog
 Kay Jesus na Mananakop;
 Nais kong Siya'y dulutan ng lugod
 Sa aking paglilingkod.

IV
 Si Jesus ang lagi kong kaalakbay,
 Siya'y matibay kong tanggulan;
 Ang pangako Niya sa aki'y tatanglaw
 Bawat oras at araw.