Teksto

I
 Pinasyahan ko sa aking loob
 Na ang susundi'y tanging si Jesus;
 Taos sa puso't di makikilos,
 Walang urong sa pagsunod!

II
 Hindi uurong kahit laitin,
 Kahit tawanan ay susunod rin;
 Si Jesus lamang ay kilalaning
 Mananakop ng salarin!

III
 Makikibaka't titiisin ko
 Ang pag-aglahi ng mga tao;
 Lakas ko't buhay, sampung talino,
 Iaalay ko kay Cristo!

IV
 Magbuhat ngayon si Jesus lamang
 Ang susundin ko sa aking buhay;
 Dating pamumuhay ko'y iiwan,
 At di ko na babalikan!

V
 Panginoon ko, ang Iyong tulong,
 Huwag iwalay, samo ko't lungoy;
 Habang lakas Mo ang aking baon,
 Sa labana'y di uurong!