Teksto

'King mga pulong kong di nako masulti
Tigumon ko na lang ba ni?
Ug ihulog sa alkansiya's imong dughan
Hulatong modaghan aron sa gugma mo pailisan
Usa lamang ko ka abog sa imong kaanyag
Mahimo ba kong mohangop
Sa kamot mong samaran nga gitukod mo dihang
Nahulog ka gikan sa kalangitan?
Paigo ba ning usa ka gatos ka mga bulak?
Isip halad sa mala-santa mong nawong
Walay makatupong sa kagamay sa imong mata
Duna ba kay makita nga paglaom para natong duha?
Sa pagtug-an ko na sa akong gibati
Katawa ra imong tubag
Sa diha nga higayon, kalit lang mihunong
Ang kalibutan
Di na ba gyud mabag-o imong tan-aw nako?
Wala na ba'y luna diha sa imong dughan?
Paigo ba ning usa ka gatos ka mga bulak?
Isip halad sa mala-santa mong nawong
Walay makatupong sa kagamay sa imong mata
Duna ba kay makita nga paglaom para natong duha?
Paglaom para natong...
Duha ka tuig ra man unta'ng imong labaw
Sa atong pangidaron
Makapungot nga maungot sa mura ra ka'g igsuon
Pagkamalason
Whoa, oh, pasayloa ko
Kung nahigugma ko nimo
Basin puhon imong lingion
Kung moabot man na nga panahon
Paigo ba ning usa ka gatos ka mga rosas?
Isip halad sa mala-santa mong nawong
Walay makatupong...
Paigo ba ning usa ka gatos ka mga rosas?
Isip halad sa mala-santa mong nawong
Walay makatupong sa kagamay sa imong mata
Duna ba kay makita nga paglaom para natong duha?
Sa kagamay sa imong mata
Duna ba kay makita nga paglaom para natong duha?
Bisan diri man lang sa akong kanta
Magkadayon tang duha